GLAVNA STRANICA

Jako byti autorom?

Details: Kategorija: RAZLIČNE; Datum: Četvrtek, 16 Jun 2011 18:34; Autor: redakcija; Čitanja: 9678

V tutem članke možete čitati, jako sebe registrirati autorom i jako poslati svoje članky.

Details: Kategorija: RAZLIČNE; Datum: Vtorek, 14 Jun 2011 11:51; Autor: redakcija; Čitanja: 10669

Članky v tutih novinah pišeme o interesnih infomacijah iz života različnih slovienskih narodov. Jesme orientirani na netradični izviestija iz meždunarodnej oblasti, iže sut v lokalnih mainstreamovih medijah naših narodov težko vidimi.
D'ržime meždunarodnij kodex žurnalista i pišeme originalni iztočnik napisanej informacije i grafiky v formie [otkaz]. Jako li jest grafika originalno ot autora, pišeme [alijas autora].
Autorom može byti vsjakij človiek, iže znaje pisati v mežduslovienskem jezyke Novoslovienskij, Slovio, Slovianski, Slovioski, Interslavic ili Glagolica ili podobnem jezyke. Hočeme širiti ideju mežduslovienskej kommunikacije s pomočij univerzalnego i dobro razumivego vseslovienskego jezyka.
Autori se možut sami registrirati tu v sekciji "Login", no jedin človiek ne može imati bolše jako jednu registraciju. Registracija trebuje byti ot realnego lica s aktivnim e-mailom i pravim imenem.
Članky ne možut byti pisani na illegalni temy jako jest propagacija nasilija, drog, vojevanije, ataky protiv religioznej ili sexualnej orientaciji, jazyku, političskim predstaviteljam, ataky protiv ličnim harakteristikam (mladi-stari, bogati-biedni, muži-ženy, ...) itd.
Članky ne možut byti pisani protiv narodam, jih istoriji i politike. Vsi narody (slovienski i neslovienski) sut sebie rovni.
Članky ne možut propagovati ni kritizirati byznisovi produkty ili uslugy.
Manažer imaje pravo članek editovati ili otbaciti, ašte li on protivreči etike sajty.

(ns)