Фреска светего Вацлава / Freska svetego Vaclava
- Details
- Kategorija: KULTURA - RELIGIJA - HISTORIJA
- Datum: Poneděljek, 05 September 2011 14:42
- Čitanja: 11886
Дружина русских и біелоруских експертов јест објавила фреску чешскего књеза светего Вацлава (Вячеслава) в Спасо-Преображенскеј църкве, иже јест частиј монастирскего комплекса в градіе Полоцк лежущим 200км северно от града Минск.
Družina ruskih i bieloruskih expertov jest objavila fresku češskego knjeza svetego Vaclava (Vjačeslava) v Spaso-Preobraženskej c'rkve, iže jest častij monastirskego komplexa v gradie Polock ležuštim 200km severno ot grada Minsk.
Фреска из 12-его віека јест вазможно најстарејше знајеме изобразеније св. Вацлава Чешскего и толико само једино јего изобразеније светего Вацлава в православних църквах Русији, Украјины и Біелорусији. Монастир је был основан кнежицој Јефросинијој Полоцкој, ктора је была прапраправнукицој великего књеза и војеводы светего Владимира, кториј је принесл христианство на Кыјевску Рус.
Freska iz 12-ego vieka jest vazmožno najstarejše znajeme izobrazenije sv. Vaclava Češskego i jest vazmožno toliko samo jedino izobrazenije svetego Vaclava v pravoslavnih c'rkvah Rusiji, Ukrajiny i Bielorusiji. Monastir je byl osnovan knežicoj Jefrosinijoj Polockoj, ktora je byla praprapravnukicoj velikego knjeza i vojevody svetego Vladimira, ktorij je prinesl hristianstvo na Kyjevsku Rus.
Реставратор фресек Владимир Сарабјанов је сказал, же вси сут были велмо шокировани когда изобразеније је было идентификовано јако светиј Вацлав. Јест пытаније, зашто средновіековиј автор је изобразил на стену Полоцкеј църквы ческего светего мученика Вацлава. Једно из гипотезних предположених говори же светиј Вацлав је был ніејако покървно съвезаниј с полоцким родом и ровно умрел г. 935 рукој својего брата ровно јако потом сут такоже умрели г. 1015 рукој брата св. Борис и Глеб изобразени на других фресках овего монастыра.
Restaurator fresek Vladimir Sarabjanov je skazal, že vsi sut byli velmo šokirovani kogda izobrazenije je bylo identifikovano jako svetij Vaclav. Jest pytanije, zašto srednoviekovij avtor je izobrazil na stenu Polockej c'rkvy českego svetego mučenika Vaclava. Jedno iz gipoteznih predpoloženih govori že svetij Vaclav je byl niejako pok'rvno s'vezanij s polockim rodom i rovno umrel g. 935 rukoj svojego brata jako potom sut rukoj brata umreli takože sv. Boris i Gleb g. 1015 na drugih freskah ovego monastyra.
http://www.denik.cz/ze_sveta/v-beloruskem-klastere-nasli-fresku-svateho-vaclava.html
{gitube vid:=nmmgsDfmPSI&feature=related}
(ns)
