NAJČITAJEME ČLANKY

Alojs Andricki / Алојс Андрицки

 Jest pr’vim lužicko-s’rbskim blagoslovienim c’rkvenikom.       

  Јест пръвим лужицко-сърбским благословіеним църквеником.

 

 

 http://www.andritzki.de/sb_index.htm

 

Alojs Andricki ( 2. Julija 1914 – 3. Februara 1943 ) bieše narodien v malim gradie Radwor (niem. Radibor ) v rodinie miestnego učitelja.Rodina imaše šest dietat. Vsi brati iz rodiny studovahu teologiju i tri iz njih v’hodihu v duhovsku službu i biehu c’rkvenikami.

Алојс Андрицки ( 2. Јулија 1914 – 3. Фебруара 1943 ) біеше народіен в малим градіе Радвор (ніем. Радибор ) в родиніе міестнего учитеља.Родина имаше шест діетат. Вси брати из родины студоваху теологију и три из њих входиху в духовску службу и біеху ц’рквениками.

 

V letah1934-37, A. Andricki studovaše filosofiju i teologiju v gradie Paderborn. V tih časah bieše redaktorom izviestij „ S’rbski student” i takože javnim govornikom lužicko-s’rbskih studentov.  Posle zakončenija teologickej školy bieše posviečen na rimsko-katolickego c’rkvenika i načneše c’rkvenu službu v gradie Drježdzany ( Dresden) v hramie Hofkirche.

В летах 1934-37, А. Андрицки студовашефилософију и теологију в градіе Падерборн. В тих часах біеше редактором извіестиј „ Сърбски студент” и такоже јавним говорником лужицко-сърбских студентов.  После законченија теологицкеј школы біеше посвіечен на римско-католицкего църквеника и начнеше църквену службу в градіе Дрјеждзаны ( Дресден) в храміе Хофкирхе.

 

21. Junija 1941 bieše arestovan za kritikovanije nacističskej vlady, zatvorjen v temnicu  i 23. Maja 1941 osudien i transportirovan v koncentračnij lager Dahau.  Tamo v letie 1942 sm’rtno zaboleše ot tyfusa. Na sm’rtnom ložku, znajučij že b’rzo umre, on hotieše prijmuti božije tielo. To jemu ne bieše dozvoljeno, suprotiv temu, nacističskij stražnik ubiješe bolesnika s pomočij s’mrtnej injekcije.

21. Јунија 1941 біеше арестован за критикованије нацистичскеј влады, затворјен в темницу  и 23. Маја 1941 осудіен и транспортирован в концентрачниј лагер Дахау.  Тамо в летіе 1942 смъртно заболеше от тыфуса. На смъртном ложку, знајучиј же бързо умре, он хотіеше пријмути божије тіело. То јему не біеше дозвољено, супротив тему, нацистичскиј стражник убијеше болесника с помочиј съмртнеј ињекције.

 

Posle zakončenija vojny, postaješe Alojs Andricki symbolom lužicko-s’rbskego otpora protiv nacistam. V letie 1946 bieše izbudovan pamietnij križ v gradie Radwor. V letie 1984 bieše izbudovan drugij pamietnij križ ot lužicko-s’rbske mladeže. Na rodnij dom bieše dana pamietna doska. V gradah Draždany i Budyšin sut ulice nazvany jego imenom.

После законченија војны, постајеше Алојс Андрицки сымболом лужицко-сърбскего отпора против нацистам. В летіе 1946 біеше избудован паміетниј криж в градіе Радвор. В летіе 1984 біеше избудован другиј паміетниј криж от лужицко-сърбске младеже. На родниј дом біеше дана паміетна доска. В градах Дражданы и Будышин сут улице названы јего именoм.

 

Blagoslovienije bieše 13. Junija 2011 v Drježdźanskej katedralie. Božija služba bieše govorena na lužicko-s’rbskim i niemeckim jazykie. Učastije prijmihu 8000 ljudij i mnogo iz njih imahu tradične lužicko-s’rbske narodne odienije.
Blagorečenije p’rvego lužickego c’rkvenika jest velmi dobre za pod‘rženije i posilenije lužicko-s’rbskej narodnej identity. Lužicki s’rbi sut velmi gordi na svojego rodjaka, ktorij obraniše v temnih časah jih jazyk, kulturu i narodnu identitu.

Благословіеније біеше 13. Јунија 2011 в Дрјежджанскеј катедраліе. Божија служба біеше говорена на лужицко-сърбским и ніемецким јазыкіе. Участије пријмиху 8000 људиј и много из њих имаху традичне лужицко-сърбске народне одіеније.
Благореченије първего лужицкего църквеника јест велми добре за подърженије и посиленије лужицко-сърбскеј народнеј идентиты. Лужицки сърби сут велми горди на својего родьака, кториј обранише в темних часах јих јазык, културу и народну идентиту.

http://www.andritzki.de/sb_index.htm

{gitube vid:=OVyGPdxpDJ8}

{gitube vid:=2vt02NBnjcs&feature=related}

{gitube vid:=q7AiRZygMMw&feature=related}

(ns)

 

 

 

 

 

subota, 20. Jul 2019

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV