NAJČITAJEME ČLANKY

Sokol / Сокол

Češska sportova organizacija Sokol je byla osnovana 16-ego Februara 1862 iz inicijativy Miroslava Tyrše i Jindřicha Fugnera. Чешска спортова организација Сокол је была основана 16-его Фебруара 1862 из иницијативы Мирослава Тырше и Јиндрьиха Фугнера.

 

Tyrš a Fugner sut s’brali i idejovo sjednotili okolo sebe družinu  p’rvih 75 členov. Miroslav Тyrš je byl ideologičskij i sportovij vodž Sokola i Jindřich Fugner je byl p’rvij predsednik i človiek, ktorij je pod’ržal organizaciju finančno.

Тырш а Фугнер сут събрали и идејово съједнотили около себе дружину  първих 75 членов. Мирослав Тырш је был идеологичскиј и спортовиј водж Сокола и Јиндрьих Фугнер је был първиј председник и чловіек, кториј је подържал организацију финанчно.

 

P’rvi členi Sokola sut byli znani osoby iz češskego kulturnego i občinskego žitija. Vsjakij iz njih je vnosil v mladu organizaciji niejaku originalnu ideju. Osnovni ideje organizacije sut byly : „ Sila i  hrabrost,  ljubav k svobodie i narodu, dobrovolna rabota za spolne dielo,  vysoka moralka i disciplina, bratstvo i pomoč medžu vsimi členami.

Първи члени Сокола сут были знани особы из чешскего културнего и обчинскего житија. Всјакиј из њих је вносил в младу организацији ніејаку оригиналну идеју. Основни идеје организације сут былы : „ Сила и  храброст,  љубав к свободіе и народу, доброволна работа за сполне діело,  высока моралка и дисциплина, братство и помоч меджу всими членами.

 

Iz početka je byla družina zvana „Tielo-sportova jednota Pražska“, potom v letie 1864 je byla preimenovana i nosila nazvanije „Sokol Pražský“. P’rva sokolska družina je byla primierem za osnovanije drugih družin, ktori se v tečeniji časa sojednotili v zajednicu českih i moravskih sokolskih občin.

Из почетка је была дружина звана „Тіело-спортова једнота Пражска“, потом в летіе 1864 је была преименована и носила названије „Сокол Пражскы“. Първа соколска дружина је была приміерем за основаније других дружин, ктори се в теченији часа соједнотили в заједницу ческих и моравских соколских обчин.

 

V 1870 je byl napisanij i izdanij p’rvij žurnal zvanij „Sokol“ , v 1897 vtorij žurnal nazvanij „Viestnik Sokolskij“. Ot leta 1870 sut byly dielany i d’rženy vse-sokolske s’branija i s’retenija členov, imenovane „ Slety “, kdie členi demonstirovali svoje sportove prigotovanije.

В 1870 је был написаниј и изданиј първиј журнал званиј „ Сокол“ , в 1897 вториј журнал названиј „Віестник Соколскиј“. От лета 1870 сут былы діеланы и държены все-соколске събранија и съретенија членов, именоване „ Слеты “, кдіе члени демонстировали своје спортове приготованије.

 

V letah I-ej svietovej vojny členi sokolskih družin aktivno sut prijimali učestije v domačem i zagraničnem boji protiv Austrijsko-Ungarskej monarhiji i vstupali v  zagranične česko-slovenske vojene legije. V letah nacističskej okupacije je byla činnost organizacije zatvorena. Množestvo prostih členov i činovnikov sut vhodilo v tajne proti nacističske dviženije.

В летах I-еј свіетовеј војны члени соколских дружин активно сут пријимали учестије в домачем и заграничнем боји против Аустријско-Унгарскеј монархији и вступали в  заграничне ческо-словенске војене легије. В летах нацистичскеј окупације је была чинност организације затворена. Множество простих членов и чиновников сут входило в тајне проти нацистичске движеније.

 

Sokolska organizacija ne je byla toliko samo sportove no takože kulturne i patriotske s’branije, pod’rživši v težkih letah duha naroda.
Sokol je inspiroval osnovanije drugih zagraničnih organizacej, glavno v slovienskih zemjah.

Соколска организација не је была толико само спортове но такоже културне и патриотске събраније, подърживши в тежких летах духа народа.
Сокол је инспировал основаније других заграничних организацеј, главно в словіенских земјах.

http://www.czechgallery.com/sokol/

{gitube vid:=YSbDJ6gb_Xw}

{gitube vid:=5ez1f5690Us&feature=related}

{gitube vid:=YTLeDmxbBTo}

(Interslavic/gramatika NS)

petek, 3. April 2020

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV