NAJČITAJEME ČLANKY

EXIT 2012

EXIT- festival, takože znany kako STATE OF EXIT, jest letny muzičny festival, organizovany vsjake leto v Petrovaradinskej tv'rdji, v gradie Novi Sad, rep. S'rbija.  ЕКCИТ- фестивал, такоже знаны како СТАТЕ ОФ ЕКCИТ, јест летны музичны фестивал, организованы всјаке лето в Петроварадинскеј твърдьи, в градѣ Нови Сад, реп. Сърбија

Festival je načal byti organizovan v letie 2000. Ot 2003 festival trova četyri dni. Vsjake leto jest sij festival vieči i imaje višu kolikost gostov i muzičnih družin iz različnih stran.
Iz p'rva je byl festival organizovan kako političsky protest male skupščiny ljudij, no v tečeniji let se je bystro proslavil medžu vsimi prjatielji muziky.

Фестивал је начал быти организован в летѣ 2000. От 2003 фестивал трова четыри дни. Всјаке лето јест сиј фестивал вѣчи и имаје вишу коликост гостов и музичних дружин из различних стран.
Из първа је был фестивал организован како политичскы протест мале скупшчины лјудиј, но в теченији лет се је быстро прославил меджу всими прјатѣлји музикы.

 

Črez svoju veliku popularitu, festival ne jest toliko samo komerčnim priborom za prazdnovanije i otdyhanije, no takože imaje svoje socialno-političske značenije i prinosi nam različne pytanija i zamyslenija nad problemami dnešnego modernego svieta.
Festival je byl osnovan grupoj trih universitnih studentov iz grada Novi Sad. Meždu letami 2000-2001 s organizovanijem festivala je pomagala Studentska Unija Tehnično-naučnego fakulteta.
V tečeniji časa je takože pomagalo organizovati festival niekoliko komerčnih organizacijej.

Чрез своју велику популариту, фестивал не јест толико само комерчним прибором за празднованије и отдыханије, но такоже имаје своје социално-политичске значеније и приноси нам различне пытанија и замысленија над проблемами днешнего модернего свѣта.
Фестивал је был основан групој трих университних студентов из града Нови Сад. Между летами 2000-2001 с организованијем фестивала је помагала Студентска Унија Технично-научнего факултета.
В теченији часа је такоже помагало организовати фестивал нѣколико комерчних организацијеј.

Festival Exit v letie 2007 je izigral p'rvu cenu nazvanu, "Najlepši Evropsky Festival". Publikum vsego svieta je imalo možlivostj glasovati cely miesec i meždu desetimi festivalami je izbralo festival Exit.

Фестивал Ексит в летѣ 2007 је изиграл първу цену названу, "Најлепши Европскы Фестивал". Публикум всего свѣта је имало можливость гласовати целы мѣсец и между десетими фестивалами је избрало фестивал Ексит.

Festival Exit imaje svojih fans, ktori širjut jego popularitu črez granice. Naša redakcija  vieruje ,že imaje takože svojih čitatelov, ktori budut širiti popularitu Izviestij črez granice :)

Фестивал Ексит имаје својих фанс, ктори ширјут јего популариту чрез границе. Наша редакција  вѣрује ,же имаје такоже својих читателов, ктори будут ширити популариту Извѣстиј чрез границе :)

 

{gitube vid:=Pc5aqOxjZSc}

(NS)

nedělja, 9. December 2018

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV