NAJNOVĚJŠI ČLANKY

NAJČITAJEMI ČLANKY

Slovanska Epopeja

 Slovanska Epopeja ili 1000 let osamotienija. Слованска Епопеја или 1000 лет осамотѣнија.

 

 

 

 

Svietovie znany slovačsky direktor i filmovy producent Juraj Jakubisko, d'ržitielj niekolika medžunarodnih filmovih cen imaje v planu nasnimati novy film imenovany "Slovanska Epopeja".  http://www.jakubiskofilm.com/cs/pripravujeme/
Slovanska Epopeja jest film posviečeny ideji slovienskej družby i sudielovanija. (верзија чланка в кыриллици јест доле под текстом)

Posle jednego tysača let žitija v osamotieniji i relativnem bez-znaniji jedin o drugom, različni slovienski narody dnes zahvalujučno modernim tehnologijam (internet, facebook) imajut večij interes se poznati medžu seboj.
Su novu situaciju hoče reflektovati planovany film "Slovanska Epopeja - 1000 let osamotienija".  Imeno "1000 let osamotienija" ne znači toliko samo vremena pred misijej solunjskih bratov no takože vremena do našej modernej epohy.

Film bude imati dvih častij. P'rvy dielj filma imenovany "Pogani" bude govoriti o pred-hristianskih vremenah svezanih s prirodnymi silami i o težkim prehodu v vieru v jedinego Boga otnosno k byzantskej hristianskej misiji.
Drugi dielj jest p'lny intrik i bojov za podd'ržanije samostojnosti Velikomoravskej d'ržavy. O vojnah medžu slovieny i posle jih s'jednieniji pod jednu vladu, o jih vojnah s Frankami.

Film bude sniman v različnih krajinah, miesta jego realizacije sut razprostrena ot Slovačskej i Českej rep. črez Bulgariju, Ukrajinu do Norska, Rossiji i Kazakstana. Konec filma jest planovany na Junij 2013.

Celjem i namierenijem filma jest više zpopularizovati istoriju byvšej Veliko-Moravskej d'ržavy, p'rvo-početky i etnogeneziju Moravjanov ili Moravskih slovienov (kak libo-kto hoče jih nazyvati) i drugih slovienskih narodov s jih byvšim i takože s'vremenim sudielovanijem.
Film takože hoče dati informaciju drugim evropskim narodam , ktore mnogo-krate znajut slabo su stranicu evropskej istorije.

(uproščene prevodienije iz originala na ns-interslavic)

 

Свѣтовѣ знаны словачскы директор и филмовы продуцент Юрај Јакубиско, държитѣлј нѣколика меджународних филмових цен имаје в плану наснимати новы филм именованы "Слованска Епопеја". Слованска Епопеја јест филм посвѣчены идеји словѣнскеј дружбы и судѣлованија.

После једнего тысача лет житија в осамотѣнији и релативнем без-знанији једин о другом, различни словѣнски народы днес захвалуючно модерним технологијам (интернет, фацебоок) имают вечиј интерес се познати меджу себој.
Су нову ситуацию хоче рефлектовати планованы филм "Слованска Епопеја - 1000 лет осамотѣнија".  Имено "1000 лет осамотѣнија" не значи толико само времена пред мисијеј солунјских братов но такоже времена до нашеј модернеј епохы.

Филм буде имати двих частиј. Първы дѣлј филма именованы "Погани" буде говорити о пред-христианских временах свезаних с природными силами и о тежким преходу в вѣру в јединего Бога относно к бызантскеј христианскеј мисији.
Други дѣлј јест пълны интрик и бојов за поддържаније самостојности Великоморавскеј държавы. О војнах меджу словѣны и после јих съједнѣнији под једну владу, о јих војнах с Франками.

Филм буде сниман в различних крајинах, мѣста јего реализације сут разпрострена от Словачскеј и Ческеј реп. чрез Булгарию, Украјину до Норска, Россији и Казакстана. Конец филма јест планованы на Юниј 2013.

Целјем и намѣренијем филма јест више зпопуларизовати историю бывшеј Велико-Моравскеј държавы, първо-почеткы и етногенезию Моравјанов или Моравских словѣнов (как либо-кто хоче јих называти) и других словѣнских народов с јих бывшим и такоже съвременим судѣлованијем.
Филм такоже хоче дати информацию другим европским народам , кторе много-крате знают слабо су страницу европскеј историје.

(упрошчене преводѣније из оригинала на нс-интерславиц)

 

 

vtorek, 28. Marec 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV