NAJČITAJEME ČLANKY

Slověnska Atlantida / Словѣнска Атлантида

Vineta-legendarne slověnske město

Винета-легендарне словѣнске мѣсто

 

 

 

 

Vineta-legendarne slověnske město, ktore dla legend i starih lětopisov je leželo na bregu Baltskego morja.
Město je bylo razrušeno velikoj katastrofoj i kompletno potopeno v morjskih volnah.
Legenda govori, že město je bylo uničeno iz pričiny moralnego greho-padanija i nedobrego žitija jego prebyvatěljev.

Винета-легендарне словѣнске мѣсто, кторе дла легенд и старих лѣтописов је лежело на брегу Балтскего морьа.
Мѣсто је было разрушено великој катастрофој и комплетно потопено в морьских  волнах.
Легенда говори, же мѣсто је было уничено из причины моралнего грехо-паданија и недобрего житија јего пребыватѣльев.

Točne město kdě grad Vineta je ležel neznajeme. Važnimi kandidatami sut grad Wolin (Polska) i grady Koserow ili Barth (Germanija).
V vremeni svojego najvěčego razvitija je byla Vineta veliky i bogaty grad, ktory je vladal okolnej krajině i širemu baltskemu morju.
V městě sut byly t'rgy s različnim tovarom, s ljudskimi rabami, srebrom, jantarom i drugimi drago-cenimi kovinami.
Žitěljami grada sut byly prevažno Slověni, no možeme skazati, že grad je byl kosmopolitnim, zatože tamo kromě slověnov takože sut žili drugi narody, napriměr Vikingi, Franki, Sasi, Greki.

Точне мѣсто кдѣ град Винета је лежел незнајеме. Важними кандидатами сут град Волин (Полска) и грады Косеров или Барф (Германија).
В времени својего највѣчего развитија је была Винета великы и богаты град, кторы је владал околнеј крајинѣ и ширему балтскему морьу.
В мѣстѣ сут былы търгы с различним товаром, с льудскими рабами, сребром, јантаром и другими драго-ценими ковинами.
Житѣльами града сут былы преважно Словѣни, но можеме сказати, же град је был космополитним, затоже тамо кромѣ словѣнов такоже сут жили други народы, напримѣр Викинги, Франки, Саси, Греки.

Znany němecsky lětopisec Adam iz Brem je napisal o Vinetě v svojem lětopisu:"Jest to najvěče město v Evropě, ktore imaje močne bojove i t'rgove lodjstvo.
Lodny pristan je označeny věžoj, kdě gori dnem i nočej takorěčeny Vulkan-grečsky ogenj, ktory je světil namorjnikam na jih morjskem putovaniju.
Arabsky t'rgovnik Ibrahim ibn Jakoba iz konca 10.věka piše o velikem gradě "Veltaba", ktore imaje 16 gradskih vrat i vladne vsemu severu.
Němecsky duhovnik Helmold iz Bosau v svojej hronikě "Chronica Slavorum" piše o koncu, razrušeniju i opustošeniju Vinety. Na razliku ot legendy nam govori, že Vinetu je dobil i pokoril v letě 1042 dansky kralj Waldemar I.

Знаны нѣмецскы лѣтописец Адам из Брем је написал о Винетѣ в својем лѣтопису:"Јест то највѣче мѣсто в Европѣ, кторе имаје мочне бојове и търгове лодьство.
Лодны пристан је означены вѣжој, кдѣ гори днем и ночеј такорѣчены Вулкан-гречскы огень, кторы је свѣтил наморьникам на јих морьскем путованију.
Арабскы търговник Ибрахим ибн Јакоба из конца 10.вѣка пише о великем градѣ "Велтаба", кторе имаје 16 градских врат и владне всему северу.
Нѣмецскы духовник Хелмолд из Босау в својеј хроникѣ "Хроница Славорум" пише о концу, разрушенију и опустошенију Винеты. На разлику от легенды нам говори, же Винету је добил и покорил в летѣ 1042 данскы краль Валдемар I.

Dnes je žijuča toliko samo legenda o velikem i slavnem gradu. Medju ljudima se govori, že někogda jest možno slyšeti glas gradskih zvonov, ktori leži na morjskem dnu.
Rybo-lovci imajut strah pokladati svoje mreže v vodah, kdě dla legendy leži potopeny grad, i ještě mnogo različnih bajek byhom mogli slyšeti.

Днес је жијуча толико само легенда о великем и славнем граду. Медьу льудима се говори, же нѣкогда јест можно слышети глас градских звонов, ктори лежи на морьскем дну.
Рыбо-ловци имајут страх покладати своје мреже в водах, кдѣ дла легенды лежи потопены град, и јештѣ много различних бајек быхом могли слышети.

http://www.zkracovatko.cz/1TspXp

http://www.zkracovatko.cz/TqVffB

http://www.zkracovatko.cz/QTsWbA

(ns)

nedělja, 21. Oktober 2018

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV