Monastir Studenica-kulturny pametnik UNESCO

centrum i kolebka s'rbskej kulturnosti i pismenosti.

центрум и колебка сърбскеј културности и писмености.

 

 

 

Studenicsky monastir je byl osnovan v 12. věku Stefanem Nemanjom - osnovatělem srědně-věkovej s'rbskej d'ržavy, krotko posle Stefanovej abdikaciji.
Monastir jest jedin iz najvěčih i najbogatějšíh s'rbskih pravoslavnih monastirov. Leži na jugo-zapadu Šumadije v s'rbskih gorah, približno 39km jugo-zapadno ot Kraljeva.
Студеницскы монастир је был основан в 12. вѣку Стефанем Неманјом - основатѣлем срѣднѣ-вѣковеј сърбскеј държавы, кротко после Стефановеј абдикацији.
Монастир јест једин из највѣчих и најбогатѣјших сърбских православних монастиров. Лежи на југо-западу Шумадије в сърбских горах, приближно 39км југо-западно от Кральева.

Monastir jest znany svojimi unikatnimi byzantskimi freskami iz 13-14 stoletija. Ot 1986 je monastir v'členěn v list světovego kulturnego naslědstva UNESCO.
Dominantoj areala jest c'rkva svetej Marije-Děvice, kombinacija romanskego i byzantskego styla, takorěčeny rašsky arhitekturny styl.
Severo-zapadno ot c'rkvy Marije-Děvice leži c'rkva svetego Joahima i Anny iz 14 stoletija, ktora jest znana kako Kraljova c'rkva.
Kromě tutih dvih glavnih c'rkvij jest v arealu monastira ješče c'rkva svetego Nikolasa i izkopane ruiny c'rkvy svetego Jana Baptisty.

Монастир јест знаны својими уникатними бызантскими фресками из 13-14 столетија. От 1986 је монастир въчленѣн в лист свѣтовего културнего наслѣдства УНЕСЦО.
Доминантој ареала јест църква светеј Марије-Дѣвице, комбинација романскего и бызантскего стыла, такорѣчены рашскы архитектурны стыл.
Северо-западно от църквы Марије-Дѣвице лежи църква светего Јоахима и Анны из 14 столетија, ктора јест знана како Кральова църква.
Кромѣ тутих двих главних църквиј јест в ареалу монастира јешче църква светего Николаса и изкопане руины църквы светего Јана Баптисты.


Ot polovice 15.stoletija je byl monastir několiko-krat atakovan turecskimi vojskami, no najgorějše je bylo zemje-trasenije i požar na početku 17.stoletija.
Monastir jest dragocenost pravoslavnej kultury i vsim možeme s'větovati da by tamo išli i vse viděli svojima očima.

От половице 15.столетија је был монастир нѣколико-крат атакован турецскими војсками, но најгорѣјше је было земье-трасеније и пожар на почетку 17.столетија.
Монастир јест драгоценост православнеј културы и всим можеме съвѣтовати да бы тамо ишли и все видѣли својима очима.

{gitube vid:= qN6Ld7qE8jg}

{gitube vid:= 21lAdn_wW7A}