NAJČITAJEME ČLANKY

Novoslověnsky jezyk bude v filmu "Barvovana Ptica" - Новословенски језык в филму "Барвована Птица"

Znajemy češsky producer, akter i režiser Václav Marhoul bude gotoviti film na osnově knigy "Barvovana Ptica" (orig. Painted Bird, barva = cvět, šara, boja) od američskego autora Jerzy Kosińskiego. Kniga opisivaje težky život jevrejskego dětka, ktorego jego roditeli sut ukryli na selo v vremeni 2-ej světovej vojny.

Знајемы чешскы продуцер, актер и режисер Вацлав Мархоул буде готовити филм на основе книгы "Барвована Птица" (ориг. Painted Bird, барва = цвет, шара, боја) од америчскего автора Јерзы Косиньскего. Книга описиваје тежкы живот јеврејскего детка, кторего јего родители сут укрыли на село в времени 2-еј световеј војны.


Ljudi v tutom istoričnem filmu budut govoriti svojimi narodnimi jezykami. To znači, že napriměr vojniki Wehrmachta budut govoriti němecskim jezykom, vojniki Sovětskej Armije budut govoriti russkim jezykom itd. No městni ljudi iz sela budut govoriti novoslověnski. Pričina koristěnija medžujezyka jest v tom, že autor knihy ne napisal točnu lokalitu i narod svojih osob v knigě i film hoče tuto autorovu ideju respektiranija tajnosti točnej lokality i naroda d'ržati. Zatože film bude zvukovo mnogojezyčny, bude jemu trěba iměti textove podtitulky p'rvoplanovo v englijskem, češskem, russkem i novoslověnskem jezykah.

Люди в тутом историчнем филму будут говорити својими народними језыками. То значи, же например војники Вермахта будут говорити немецским језыком, војники Советскеј Армије будут говорити русским језыком итд. Но местни люди из села будут говорити новословенски. Причина користенија меджујезыка јест в том, же аутор книхы не написал точну локалиту и народ својих особ в книге и филм хоче туто ауторову идею респектиранија тајности точнеј локалиты и народа държати. Затоже филм буде звуково многојезычны, буде јему треба имети текстове подтитулкы първопланово в енглијскем, чешскем, русскем и новословенскем језыках.

Tutoj buduči film je dostal nominaciju do 12 najlučših scenarov sredno i vazhodnoeuropskih filmov v programě ScripTeast do filmovego festivala 2013 v Cannes.

Тутој будучи филм је достал номинацию до 12 најлучших сценаров средно и вазходноеуропских филмов в програме ScripTeast до филмовего фестивала 2013 в Cannes.

Gospod Václav Marhoul jest znajemim akterom, režiserom i produčnim manažerom mnogih filmov. Je byl direktorom českoslovackih filmovih atelierov Barrandov i jest kromě drugego velikim expertom na realistične istoricke filmy. Jego posledny čin jest medžunarodno popularny film "Tobruk" o českoslovackih vojnikah v severnej Afrikě.

Господ Вацлав Мархоул јест знајемим актером, режисером и продучним манажером многих филмов. Је был директором ческословацких филмових ателеров Баррандов и јест кроме другего великим експертом на реалистичне историцке филмы. Јего последны чин јест меджународно популарны филм "Тобрук" о ческословацких војниках в севернеј Африке.

otkazy

Kniga: http://en.wikipedia.org/wiki/The_Painted_Bird
Budučy film "Barvovana Ptica": http://www.filmneweurope.com/news/czech/102636-production-the-painted-bird-in-development/menu-id-150, http://www.comingsoon.net/films.php?id=66735
Nominacija scenara do Cannes: http://www.scripteast.pl/35,5,2012.html
Uspěšny film "Tobruk": http://www.ceskatelevize.cz/specialy/tobruk/
Václav Marhoul, jego projekty: http://www.imdb.com/name/nm0546905/

(ns)

sreda, 18. September 2019

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV