Proročestvije svetego Malahiaša
- Details
- Kategorija: KULTURA - RELIGIJA - HISTORIJA
- Datum: Vtorek, 12 Februar 2013 18:07
- Čitanja: 5665
Episkop Malahiaš, rodžen v Irlandiji kako Maelmhaedloc O'Morgair (1095-1148) i umrevši 02.11.1148 v rukah svojego prijatělja Bernarda iz Clairvaux.
jest avtorom proročestvija prijmutego na svojem putovaniju iz Irlandije v Italiju do grada Rima. V tečeniji několika božskih viděnij je poznal slěd vsěh budučih Rimskih popov v liniji k poslědnemu. Dlja sijego proročestvija by imělo na glavnu stolicu usednuti 112 mužov.
V proročestviju jest u 110. Rimskogo popa napisano: "De labore Solis" v prevodženiju "Iz raboty Solnca". Sije izrěčenije by imělo byti svezano s popom Janom II Wojtylom, urodivšim se i umrevšim v den kogda bieše zatmenije solnca.
111. popom by iměl byti otstupujuči Benedikt XVI (kardinal Joseph Ratzinger), ktory jest oglasil svoju abdikaciju na 28.02.2013. Svety Malahiaš piše o 111. popu kako o "Gloria olivae" v prevodženiju "Olivy sláva". Kardinal Ratzinger je izbral svoje popske imeno Benedikt respektujuč tako svetego Bernarda iz Nursie (480-543) imavšim kako symbol zelenu olivovu rastlinu.
112. poslědnim Rimskim popom bude dlja proročestvija muž zvany "Petrus Romanus", ktory bude seděti na glavnej stolici v tečeniji velikego preslědovanija i perzekucije cerkve i ktory bude pasti svoje stado v srědině mnoga nepokojov, bědy i žala. Poslě jihže ukončanija, veliky grad na sedmi verhah bude v razvalinah i močny suditel bude suditi svoj ljud.
Věčinstvo interpretacij proročestvija sut doišlo k zaključeniju že jest nam tako govorěno o koncu našego světa. Jest-li to pravda ili něst, nikto neznaje ni Malahiaš. Zato něst važno dumati o različnih koncah světa no lěpše mysliti na naših prijatěljev.
