ПИВО / PIVO

Details

Kategorija: NAUKA - TEHNIKA

Datum: Srěda, 27 Jul 2011 21:16

Čitanja: 13472

Pivo jest jedin iz najstarejših alkoholičskih napitkov pijemih v svim svietie. Ime, "Pivo" jest staroslovienske slovo, iže jest značilo najrazšireniejšij i najobyčajnij napitok.

Пиво јест једин из најстарејших алкохоличских напитков пијемих в свим свіетіе. Име, "Пиво" јест старословіенске слово, иже јест значило најразширеніејшиј и најобычајниј напитoк.

Uže stari narody, Sumerjani, Egyptjani, Kelti sut znali pivo-pitije variene iz z'rna.
Уже стари народы, Сумерјани, Егыптьани, Келти сут знали пиво-питије варіене из зърна.

Stari Sumeri pijuči pivo tenkimi slomkami i steblami iz glinienego vedra.
Стари Сумери пијучи пиво тенкими сломками и стеблами из глиніенего ведра.

Najznaniejši z'rno iz ktorego jest pivo variene jest jačmen, no takože je možno upotrebiti pšenicu, kukuricu i druge z'rna. Pivo variene iz pšenice jest imenovane, " Biele pivo " i jest to jedno iz popularnih piv v niemecki govoručih krajinah. Jačmenij slad, hmel i voda sut dnes tri osnovy iz ktorih jest pivo variene v dnešnih modernih pivovarskih domah. Hmelovij cviet jest osnovna ingredijencija, iže daje pivu jego delikatesnij gorkij vkus. Најзнаніејши зърно из кторего јест пиво варіене јест јачмен, но такоже је можно употребити пшеницу, кукурицу и другe зърна. Пиво варіене из пшенице јест именоване, " Біеле пиво " и јест то једно из популарних пив в ніемецки говоручих крајинах. Јачмениј слад, хмељ и вода сут днес три основы из кторих јест пиво варіене в днешних модерних пивоварских домах. Хмеловиј цвіет јест основна ингредијенција, иже даје пиву јего деликатесниј горкиј вкус.

Jačmenij slad/ Јачмениј слад

Hmelovij cviet/ Хмеловиј цвіет

Hmelove polje/ Хмелове поље

Tradične sbiranije hmelovih cvietov v koše i vedra.
Традичне сбираније хмелових цвіетов в коше и ведра.

Jesut dvie osnovy kvasenija piva. Pivo kvasene iz v'rhu i pivo kvasene iz dola. Varienije piva s upotrebenijem kvasenija iz v'rha jest starejša metoda. Tuta metoda jest  preferovana ot malih pivovarnih domov i domačnih pivo-dielateljov, zatože jest legka, prosta i dostupna i ne jest treba imati složne tehnologije. Iz v'rha kvasene pivo jest više vazljubieno v Britskih krajinah. Јесут двіе основы квасенија пива. Пиво квасене из върху и пиво квасене из дола. Варіеније пива с употребенијем квасенија из върха јест старејша метода. Тута метода јест  преферована от малих пивоварних домов и домачних пиво-діелатељов, затоже јест легка, проста и доступна и не јест треба имати сложнe технологије. Из върха квасене пиво јест више вазљубіено в Бритских крајинах.

Pivo-varna kuhnja/Пиво-варна кухња

otvorene kadje i vany kdie kvasi pivo/отворенe кадье и ваны кдіе кваси пиво

Naprotiv temu, iz nizu kysnuti piva sut više pijuči i preferovane v slovienskih i niemeckih krajinah. Najznaniejše pivo dielane metodoj dolnego kvasenija jest pivo zvane, "Pilsner Urguel". Tuto pivo jest produkovane v gradie Plzeň, na jugo-zapadie Čeh, blizu niemecko-českej granice. Tehnologiju varienije plzeňskego piva je prinesl v grad Plzeň, bavorskij pivovarnik Josef Groll. On je načal variti više dobre pivo ot drugih piv i proslavil jego v  širim kraju i za jego granicami. Vsi piva dnes, iže sut variene dle metody Josefa Grolla i d'rži ravne tehnologičske postupanija, možut byti zvany i nositi znak "Pilsner Beer". Напротив тему, из низу кыснути пива сут више пијучи и преферованe в словіенских и ніемецких крајинах. Најзнаніејше пиво діелане методој долнего квасенија јест пиво зване, "Пилснер Ургуел". Туто пиво јест продуковане в градіе Плзењ, на југо-западіе Чех, близу ніемецко-ческеј границе. Технологију варіеније плзењскего пива је принесл в град Плзењ, баворскиј пивоварник Јосеф Гролл. Он је начал варити више добре пиво от других пив и прославил јего в  ширим крају и за јего границами. Вси пива днес, иже сут варіенe дле методы Јосефа Гролла и държи равнe технологичскe поступанија, можут быти званы и носити знак "Пилснер Беер".

Čaša piva, na českim  jazykie slangovie zvana, " pol-liter " / Чаша пива, на ческим  јазыкіе сланговіе звана, " пол-литер "

V prošlosti je bylo pivo iz pivovarnih domov do gostinic vozieno v drevienih bačvah i bočkah v’loženih na vozy i tegnutih konjami. Dnes jest pivo p’lniene v moderne aluminiove barely i transportirovane do restaurantov s pomočij železničnih vozov ili kamionov. V gostinicah jest pivo d’rženo v temnih i hlodnih skladah i ot tamo č’rpane s pomočij nasosov do staklenih čašej i potom raznošeno meždu gostami.
В прошлости је было пиво из пивоварних домов до гостиниц возіено в древіених бачвах и бочках в’ложених на возы и тегнутих коњами. Днес јест пиво п’лніене в модернe алуминиовe барелы и транспортироване до рестаурантов с помочиј железничних возов или камионов. В гостиницах јест пиво д’ржено в темних и хлодних складах и от тамо ч’рпане с помочиј насосов до стаклених чашеј и потом разношено между гостами.

Tradični drevieni bačvy i bočky / Традични древіени бачвы и бочкы

Moderni aluminiovi barely / Модерни алуминиови барелы

Rekord v pitiji piva d’ržijut žitielji Českej republiky. Tamo jest v tečeniji 12 miesecev vypito 160 litrov piva na glavu. Za njima sut Irlandija 130 l,  Niemecko 115 l  i drugi narody.
Рекорд в питији пива д’ржијут житіељи Ческеј републикы. Тамо јест в теченији 12 міесецев выпито 160 литров пива на главу. За њима сут Ирландија 130 л,  Ніемецко 115 л  и други народы.

Pivo dobilo sviet / Пиво добило свіет

Pivo ne s'd'ržaje toliko samo alkohol, no takože imaje mnogo mineralov, vitaminov, jonov i sladkih substancijej. Pitije piva jest dobre za smieh, duševne razpoloženije i protiv vysokemu k'rvnemu pritisaku. Naprotiv temu, velike i težke pijanstvo može privoditi i s'diejati različne vnutrene problemy, naprimier cirozu, raka i druge zle hvoroby a bolesti.
Пиво не съдържаје толико само алкохол, но такоже имаје много минералов, витаминов, јонов и сладких субстанцијеј. Питије пива јест добре за сміех, душевне разположеније и против высокему кървнему притисаку. Напротив тему, велике и тежке пијанство може приводити и съдіејати различнe внутренe проблемы, наприміер цирозу, рака и другe злe хворобы а болести.

(ns)