NAJNOVĚJŠI ČLANKY

NAJČITAJEMI ČLANKY

Rossija bude imati novi vsijmirni koraby

(Россија буде имати нови всијмирни корабы) Russka naučna i tehničska kompanija Energija je izviestila, že je dokončila analyzu projekta novego vsijmirnego koraba imenem "Rus". Tuti koraby budut imati kapacitu za 6 ljudij, i jih kabina bude (podobno jako američskij orbitalnij samolet) niekoliko raza (pravdiepodobno do 10 letov) letati iz Zemje do vsijmirnego prostora.

Русска научна и техничска компанија Энергия је извіестила, же је докончила аналызу пројекта новего всијмирнего кораба именем "Рус". Тути корабы будут имати капациту за 6 људиј, и јих кабина буде (подобно јако америчскиј орбиталниј самолет) ніеколико раза (правдіеподобно до 10 летов) летати из Земје до всијмирнего простора.


Rusi ješte planirujut modifikacije ovego koraba za letanije 4 ljudij na Lunu i automatičnij transportnij korab bez ljudij. Kabina koraba ne bude pristavati do mora na parašutah, no bude bez parašutov samo s pomočij raketnih motorov sedati na pevnu zemlju.

Руси јеште планирујут модификације овего кораба за летаније 4 људиј на Луну и аутоматичниј транспортниј кораб без људиј. Кабина кораба не буде приставати до мора на парашутах, но буде без парашутов само с помочиј ракетних моторов седати на певну земљу.

Novi koraby budut letati ot godiny 2015, no p'rvij let s živimi ljudimi jest planirovan pozdnieje: na godinu 2018. Dnes posle nedavnego izkončenija projekta američskih orbitalnih samoletov sut jedini vsijmirni koraby, iže možut letati na meždunarodnu vsijmirnu orbitalnu stanicu, takože russkej konstrukcije. Sut to stari dobro znajemi koraby Sojuz.

Нови корабы будут летати от годины 2015, но първиј лет с живими људими јест планирован поздніеје: на годину 2018. Днес после недавнего изконченија пројекта америчских орбиталних самолетов сут једини всијмирни корабы, иже можут летати на международну всијмирну орбиталну станицу, такоже русскеј конструкције. Сут то стари добро знајеми корабы Союз.

iztočnik: http://www.ntv.ru/novosti/236641/

vsjimir, всијмир = kosmos, космос

(ns)

nedělja, 17. December 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV