NAJNOVĚJŠI ČLANKY

NAJČITAJEMI ČLANKY

V Čehiji bude najsilniejšij laser typa ELI na svietie

Europska komisija (organ Europskej Unije) dnes s'glasila s projektom novego naučnego centra v sele Dolní Břežany nedaleko ot Pragy. V godinie 2014 tamo bude stati najsilniejšij laser typa ELI na svietie. (Podobni laserovi instrumenty dnes imajut toliko 100x menšu silu.) Tuto centrum, jegože investična cena jest priblizno 300 milionov Euro, bude naučnij komplex mirovego značenija.

 

Češske centrum ELI bude častij novego naučno-izsledovatielnego komplexa Europskej Unije, iže bude s'stojiti iz trih različnih center: Čehija, Madjarska i Romanija.



Laser typa ELI (Extreme Light Infrastructure = extremna svietelna infrastruktura) rabotaje s pomočij relativističnej fyziky i produkuje vysokoenergetični luče, jihže vremena d'lgota jest mnogo kratka. ELI laser može naprimier izstreliti energetičnu luču, iže jest d'lga i široka samo jednu sotninu millimetra. Gustota energije v takem kratkem vremeni ovej svietelnej strely jest podobna sile 200 standardnih nuklearnih elektrostanicej (jest to množstvije v 1025W/cm2), no ELI laser može tuto energiju koncentrirati v mnogo kratkem vremeni i malem prostranstve.



Svietelni luče iz ELI laserov imajut specijalni fyzikalni svojstva praktično koristimi v medicinie (napr. lečenije raka i točna diagnostika), diagnostike materijalov, testovanijah novih materijalov, experimentah na neutralizaciju nuklearnego otpada, experimentovanijah s molekulami novih lekov i preparatov ili testovanijah novih materijalov za elektroniku.

Smysl naučnego centra jest takože vysoko teoretičnij. Naučniki budut možti s pomočij ELI napr. rešiti problemy termonuklearnej fuzy i simulovati diejanija elementarnih častic bliz horizonta černej diry ili diejanija materije v vremeni mladego vsijmira.

(ns)

nedělja, 17. December 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV