Naučny recenzirany časopis SLOVANSKÁ UNIE
- Details
- Kategorija: NAUKA - TEHNIKA
- Datum: Petek, 06 Maj 2016 21:33
- Autor: aVM
- Čitanja: 7594
S radostju Vas informujemo, že Ministerstvo kultury Češskoj Republiky nam registriralo časopis (žurnal) SLOVANSKÁ UNIE, v ktorom slěd češskogo i slovačskogo jest jedin iz možnih jezykov novoslověnsky ili libokaky podobny dialekt ot medžuslověnskogo pisany v prostoj latinskoj abecedě. (To jest č,š,ž,ě bez specijalnih znakov kako napr. œ,å,ę,ł,ų, ...) Navyše, časopis takože dostal medžunarodne kody ISSN (jedin ISSN kod za odtiskanu papirovu verziju i vtory ISSN kod za on-lajn verziju). To je koristimo do registracije jezyčnogo koda ISO 639. Časopis jest recenzirany, bo imajemo ambiciju byti naučne periodikum s koristima citacijama v databazah ResearchGate, Google Scholar, Academia, Scopus, WoS i drugih.
Jest to novy važny krok v našej strategiji propagacije medžuslověnskogo jezyka. Prosimo Vas o pomoč, pomagajte i pišite članky. Vse instrukcije, adresy, i fajly (PDF za tablety i e-knigy ili HTML za čtenije iz komputera) sut na adresě:
(Ače li ne razumějete tamo pisanim instrukcijam v češskom jezyku, koristite Google Translate do svojego jezyka).
Časopis bude imati dvě izdanija v godině. Vsekake izdanije imaje svoju jednu glavnu temu. Bude li vaš interes i naš budžet, možemo izdavati čestěje.
- Prve čislo (2016/1) jest na temu "Medžunarodny kulturny festival - Slovenija i Slovakija". Tuto čislo jest gotovo i bude odtisknute pobližno 15-ogo maja 2016. Možete uže čitati jego PDF i HTML. Jest tam članok “Slověnska kulturna diplomacija” pisany v novoslověnskom.
- Vtore čislo (2016/2) bude iměti temu "Vklad Slověnov do razvitija europskoj civilizacije". Termin posylanija textov jest 15. september 2016.
- Trete čislo (2017/1) bude iměti temu "Polska i Hrvatska". Termin posylanija textov jest 15. marec 2017.
- Četvrte čislo (2017/2) bude iměti temu “100 lět ot serije revolucijej v Rossiji". Termin posylanija textov jest 15. september 2017.
Hvala Vam za pomoč i podpor.
SLOVANSKÁ UNIE
ISSN 2464-756X (print)
ISSN 2464-7578 (on-line)
