Václav Havel je umrel

Dnes 18.12.2011 je umrel Václav Havel. Gospod Havel je byl poslednij prezident Českoslovackej Republiky, p'rvij post-kommunističnij prezident Českoslovackej i p'rvij prezident Českej Republiky.

Днес 18.12.2011 је умрел Вацлав Хавел. Господ Хавел је был последниј президент Ческословацкеј Републикы, първиј пост-коммунистичниј президент Ческословацкеј и първиј президент Ческеј Републикы.

 

Gospod Havel se je rodil v 1936 v fabrikantskej i intelektualskej pražskej familiji. Jego otec imaše mnogo znajeme filmove studia Barrandov. Posle kommunističnego udera v 1948 gospod Havel ne je mogl studovati i je rabotal manualno jako chemijskij laborant, jako rabotnik v pivovare i jako rabotnik v theatre. Ot 1960-ih godin je načal pisati theatralni igry i knigy, iže satirično kritizirali totalitnij režim, i sut dodnes dobro znajemi v vsim mire. Svojoj literarnoj aktivitoj gospodin Havel je načal byti jednim iz meždunarodno znajemih protagonistov demokratičnego antikommunističnego dviženija v Českoslovackej Republike.

Posle invazije kommunističnih armijej SSSR (i Polsky, izhodnej Germanije i Madjarske) do Českoslovackej Republiky i naslednego povratienija tv'rdego kommunizma v 1968 gospod Havel je byl mnogo raza arestiran po pričinie svojego antikommunističnego dviženija. Václav Havel je byl mnogo aktivnij v revoluciji protiv kommunističnemu režimu v 1989, kogda se je stal p'rvim post-kommunističnim prezidentom. Gospod Havel je byl znajemij jako prezident hudožnik i filozof s ličnim kredom: "Pravda i ljuba pobiedivaje nad lžij i nenavidienijem".

Gospod Havel je imal lični prijateljski kontakty s mnogimi celebritami mira jako napr. polskim prezidentom Lehom Wałęsom, američskim prezidentom Billom Clintonom, američskoj ministericoj črezgraničija češsko-jevrejskej narodnosti Madeleine Albright, tibetskim Dalajlamom i drugimi politikami i hudožnikami iz oblasti muziky, literatury i theatra. Otkaz gospoda Havla jest mnogim ljudim takože kontroverznij po pričinie razpada Českoslovackej Republiky i jego podd'rživanija bombiranija NATO na S'rbiju, ježe on je nazyval "humanitarne bombiranije".

Sm'rtij gospoda Vaclava Havla izgubivajeme veliku personu domačnej i takože meždunarodnej politiky konca 20-ego stoletija. Da Bog pomiluje jego dušu.


Господ Хавел се је родил в 1936 в фабрикантскеј и интелектуалскеј пражскеј фамилији. Јего отец имаше много знајеме филмове студиа Барандов. После коммунистичнего удера в 1948 господ Хавел не је могл студовати и је работал мануално јако хемијскиј лаборант, јако работник в пивоваре и јако работник в театре. От 1960-их годин је начал писати театрални игры и книгы, иже сатирично критизирали тоталитниј режим, и сут доднес добро знајеми в всим мире. Својој литерарној активитој господин Хавел је начал быти једним из международно знајемих протагонистов демократичнего антикоммунистичнего движенија в Ческословацкеј Републике.

После инвазије коммунистичних армијеј СССР (и Полскы, изходнеј Германије и Мадьарске) до Ческословацкеј Републикы и наследнего повратѣнија твърдего коммунизма в 1968 господ Хавел је был много раза арестиран по причинѣ својего антикоммунистичнего движенија. Вацлав Хавел је был много активниј в револуцији против коммунистичнему режиму в 1989, когда се је стал първим пост-коммунистичним президентом. Господ Хавел је был знајемиј јако президент художник и филозоф с личним кредом: "Правда и льуба побѣдиваје над лжиј и ненавидѣнијем".

Господ Хавел је имал лични пријательски контакты с многими целебритами мира јако напр. полским президентом Лехом Валенсом, америчским президентом Билом Клинтоном, америчској министерицој чрезграничија чешско-јеврејскеј народности Маделин Олбрајт, тибетским Далајламом и другими политиками и художниками из области музикы, литературы и театра. Отказ господа Хавла јест многим льудим такоже контроверзниј по причинѣ разпада Ческословацкеј Републикы и јего поддърживанија бомбиранија НАТО на Сърбију, јеже он је называл "хуманитарне бомбираније".

Смъртиј господа Вацлава Хавла изгубивајеме велику персону домачнеј и такоже международнеј политикы конца 20-его столетија. Да Бог помилује јего душу.

(ns)