Političné vęźni v Bělorusi

Byvšègo kandidata na prezidenta Bělorusi Andreja Aľegaviča Sannikava i jègo glåvnògo pomoćnika pri kampaniji Dzmitryja Bandarenka osvobodili iz vęźeňja v prėdvečerě pravoslavnòj Velikòj Noći. Izjavja sę to kak pŕvý krok v deeskalaciji najgoršègo konflikta među Běloruśjų i Eùropejskòjų Unijèjų v istoriji. Prinajmèněj trinadsęť opozicijnyh aktivistov ješče ostava v vęźeňju.

(slušajte statijų čitanų naglås)

Ale sòglåsno gazetě Belarus Dajdžest, k dòlgo očekivanòmu osvobođeňju tyh političnyh vęźňov tu věrojętno vyše v`ložilo očekivaňje natiska od stråny nanovo vybranògo prezidenta Rosiji Vladimira Vladimiroviča Putina, než sankciji od Eùropejskòj Uniji. Gazeta mněje, že je treba, čoby Eùropejská Unija prėdložila Bělorusi perspektivų pristųpjeňja k Uniji poslě izpòlňeňja istyh uslovj, podobno kak v slučaju Kosova i Sŕbiji.

(nms)