Masakr pri Smilkovskòm jezerě

Details

Kategorija: POLITIKA - EKONOMIJA

Datum: Poneděljek, 21 Maj 2012 11:39

Čitanja: 4489

Smilkovskó jezero je v obćině Gazi Baba na vòzhodě Skopja. Gazi Baba je (kak cělá Republika Makedonija) domòm dvoh narodov: sedmdsęť četyri sòtiny naseľeňja sųt Makedonci i sedmnadsęť sòtin sųt Albanci. V pravoslavný velikí četvŕtòk, albanské teroristy tam zastrělili četyreh makedonskih mlådcev okolo dvadsęti godov i jednògo nevygodnògo svědka.

V velikonoćný ponedělòk Makedonci protestovali v Skopju, skandujųć ƒƒ„dobrý Šiptar je mŕtvý Šiptar“ i „gazovų komorų Šiptaram“. Pŕvògo maja policija areštovala dvadsęť podzrěnyh v ubijstvě rybakov: vsi byli radikalné musuľmany i nekotoré bojovali zajedno s Talibanòm v Pakistaně i Afganistaně.

Četvŕtògo maja tysęći Albancev protestovali v Skopju, izžędyvali osvobođeňje podzrěnyh Albancev, skandovali „Bog je jedin“, „bytì Albancèm ne je zločin“, „Alah je velikí“, „smŕť hristijanam“, „vojnų protiv hristijanam“, „Armija Osvobođeňja Kosova“, „uvidimò sę v gorah“ i „Veliká Albanija“, mahali symbolami Al-Kaidy i metali kameňami protiv policiji.

Jedinnadsętògo maja tysęći Albancev protestovali prėd vlådnym budynkòm v Skopju, izžędyvali s`pravědlivý sųdný proces dľa areštovanyh, mahali flagami Albaniji i čŕnym flagòm džihada, kričali „musuľmany ne sųt teroristy“, „my ne jesmò teroristami, my jesmò Albancami“, „zagluhnijte, nevěrijųćé!“, „ubijci“, „smŕť gjauram“ i råzbijali okna; sòglåsno ih transparentam, Sŕby i Makedonci sųt odgovorné za pęternó ubijstvo.

(nms)