NAJČITAJEME ČLANKY

Poľskí sòn / Польски сон

Kritikovaňje ščędlivœj politiki javjaĵe sę vyše i vyše izviňeňjèm nesposobnyh vlåd, piše bòlgarská žurnalistka Adelina Marini dľa Euinside.eu. Gospodarstvo Poľski izråstlo ob dobrų četvŕtinų pętœgo procenta v dvatysęčjedinnadsętœm godě, pomimo značnœgo propada publičnœgo traťeňja. Poľska je krěpko v`kľučená v němèckí proizvodstvný lanc dostavòk. Ale ona je ješče nesposobná s`råvňatì sę s dŕžavami kak Italija ili Išpanija.

Критикованје шчедливој политики јавја се више и више извиньенјем неспособних влад, пише болгарска журналистка Аделина Марини дльа Euinside.eu. Господарство Польски израстло об добру четвртину петого процента в дватисечјединнадсетом годе, помимо значного пропада публичного тратьенја. Польска је крепко вкльучена в немецки производствни ланц доставок. Але она је јешче неспособна сравньати се с државами как Италија или Ишпанија.


Nyně Poľska prėdsědaĵe Vyšegradskœj Četverkě, grupě četyreh srėdnoeùropejskih krajin: Poľski, Čehiji, Slovakiji i Maďarski. Ih objediňený grubý vnųtrený produkt je velikší než GVP Turciji. Tṙgovaňje Němècki s Vyšegradskœĵų Četverkœĵų je velikšé než s Francijèĵų (inače najvelikšim tṙgovym partneròm Německi) i nemalo trikråtno velikšé než s Rosijèĵų. Akoli Vyšegradská Četverka byla by jednœĵų krajinœĵų, ona prėměstila by sę na pętnadsętœ město po GVP izčisľenœmu sòglåsno paritetu kupnœj moći. Prėd Indonezijų.

Нине Польска председа Вишеградској Четверке, групе четирех средноевропејских крајин: Польски, Чехији, Словакији и Мадјарски. Их објединьени груби внутрени продукт је великши неж ГВП Турцији. Тргованје Немецки с Вишеградскоју Четверкоју је великше неж с Францијеју (иначе највеликшим трговим партнером Немецки) и немало трикратно великше неж с Росијеју. Аколи Вишеградска Четверка била би једноју крајиноју, она преместила би се на петнадсето место по ГВП изчисльеному согласно паритету купној мочи. Пред Индонезију.

Poľska hče koordinovatì mněňja Vyšegradskœj Četverki ob Vòzhodnœm partnerstvě, s fokusòm na Ukrajinų i glåvno Běloruś, gde "naše prijateli ješče bojujųt protiv glųposti i represiji, samo kak my tridsęť godov tœmu," s`kazal Radoslav Sikorskí, ministr zagraničnyh veći Poľski. Ale medźu inymi členami Vyšegradskœj Četverki sųt bojazni za velikosť Poľski i že ona mogla by probovatì izkoristatì svoĵų moć. Naseľeňje i GVP Poľski sųt velikšé než Maďarski, Čehiji i Slovakiji zajedno.

Польска хче координовати мненја Вишеградској Четверки об Возходном партнерстве, с фокусом на Украјину и главно Белорус, где "наше пријатели јешче бојујут против глупости и репресији, само как ми тридсеть годов тому," сказал Радослав Сикорски, министр заграничних вечи Польски. Але меджу иними членами Вишеградској Четверки сут бојазни за великость Польски и же она могла би пробовати изкористати своју моч. Насельенје и ГВП Польски сут великше неж Мадјарски, Чехији и Словакији заједно.

"Vyšegradská Četverka je brend dostojný råzvivaňja, tym vyše, že nordičné krajiny i Beneluks uže sųt ustanovjené grupy. Krajiny Vyšegradskœj Četverki imajųt velikšų moć než Francija i Němècka zajedno — pęťdsęť osm glåsov," izčisľaĵe Sikorskí. "Čo vyše, akoli Vyšegradská Četverka bųde objedinitì sę dľa glåsovaňja s baltičnymi dŕžavami, oni bųdųt imětì obće sedmdsęť tri glåsov. I akoli bųdųt pristųpitì Bòlgarija i Rumunija, bųde devęťdsęť sedm glåsov."

"Вишеградска Четверка је бренд достојни развиванја, тим више, же нордичне крајини и Бенелукс уже сут установјене групи. Крајини Вишеградској Четверки имајут великшу моч неж Франција и Немецка заједно — петьдсеть осм гласов," изчисльа Сикорски. "Чо више, аколи Вишеградска Четверка буде објединити се дльа гласованја с балтичними државами, они будут имети обче седмдсеть три гласов. И аколи будут приступити Болгарија и Румунија, буде деветьдсеть седм гласов."

latinica (nms)
кирилица (sl)

subota, 2. Jul 2022

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV