John Kerry izmyslil dŕžavų «Kirzahstan»
- Details
- Kategorija: POLITIKA - EKONOMIJA
- Datum: Poneděljek, 20 Maj 2013 01:10
- Čitanja: 18192
Article Index
John Kerry izmyslil dŕžavų «Kirzahstan»
John Kerry stal amerikanski ministr vněšnjih děl v fevruarě, a kråtko potom už učinil svojų pŕvų pogrěškų: izmyslil kraj «Kirzahstan». V toj neudobnoj grěškě gosp. Kerry hvalil amerikanskih diplomatov za råbotų nad bezpečnymi «demokratičnymi institucijami» v nejestvujųčej srednjoazijatskoj dŕžavě. Novy diplomat odnosil sę k Kirgizstanu, bědnomu, prěsnovodnomu kraju s 5,5 mln. žiteljami, očevidno měšajųč go s bogatym v surovinah sěvernym sųsědom, Kazahstanom.
Ministerstvo Vněšnjih Děl blågosklonno upustilo pogrěškų v oficialnoj transkripciji premolvjenja, ktory gosp. Kerry izglåsil pred svojim pŕvym pųtjem kako ministr do čudžiny. Kerrina grěška byla čim bolje sråmęča, tomu že Kirgizstan imaje kritično značenje kako sojųznik v vojně, ktorų Sjedinjene Štaty vodęt v Afganistaně, i dostavaje ogromne finansove poddŕžki od Štatov, v 2011 godě s sumojų 41 mln. dolarov.
Od časa, kogda pro-demokratične revolucije v 2005 i 2010 g. sovŕšili kirgizskih liderov, čo vedlo k demokratičnym izboram v 2011 godě, Vašington aktivno propaguje demokratično razvitje v kraji.
Zdroj: The Telegraph
