Češsky general Petr Pavel bude šefom vojenskogo komiteta NATO

Details

Kategorija: POLITIKA - EKONOMIJA

Datum: Subota, 20 September 2014 18:42

Autor: aVM

Čitanja: 8130

Dnes v subotu 20-ogo Septembra 2014 glasovalo zasědanije NATO i izbralo češskogo generala Petra Pavla na novego prědsednika Vojenskogo Komiteta NATO. Do voditelstva NATO je prišel prvy vojin iz krajiny byvšego Varšavskogo Dogovora.

General Petr Pavel iměje 52 lět i dnes jest načelnikom generalnogo štaba Armije Češskoj Republiky General Petr Pavel jest znajemy kako dobry strateg i diplomat iz medžunarodnih vojenskih misijej.

Vojensky komitet NATO jest prvoj autoritoj NATO i prvim sovětnikom generalnogo sekretara organizacije. Do funkcije prědsednika komiteta takože naleži rabota medijalnogo govorca tutej organizacije.

NATO jest organizacija osnovana v lětu 1949 kako reakcija na budovanije komunističnih Europskih držav poslě II. světovoj vojny. Komunistični državy, ktori je byli satelitami Sovětskogo Soveza, potom sbudovali svoji vojensku organizaciju Varšavsky Dogovor v lětu 1955 kako opoziciju na NATO.

Dnes se NATO transformiraje na globalnu organizaciju, ktora obranjuje svobodu i demokraciju protiv totalitnim režimam i najmě protiv ugrozě globalnogo islamskogo fundamentalizma.

(ns)